تحية واجبة الزكر

تحية واجبة انى اذكرها هنا للمستشار عدلى حسين محافظ ا لقليوبية بإصداره قرار لمنع الناس بتوع الخيل والدراجات والحناطير والبلاوى دى كلها فى منطقة الحدائق لان فعلآ المكان دا كان من أهم الامكان اللى كان اى سائح بيروحها علشان يتفسح هناك وبمجرد ما يوصل يستقبله النصابين اللى هناك بإبتسامات عريضة دا غير رائحة فضلات الخيل ومجموعة البلطجية اللى تلاقيهم واقفين على بوابة قرية مرجانة.

تخيلوا ان النصابين بتوع المراكب بالذات بيبيعوا كانز البيبسى ب 75 جنيه.. اى والله 75 جنيه وشفتها بعنيه.. ومفيش حد يقدر يتكلم معاهم لحسن نهاره هيبقة أسود من الاسفلت .

وبالتالى زوار القناطر بدأو فعلآ فى تناقص مستمر والكلام انا سمعته فعلآ من ناس هناك بسبب المعاملة اللى زى زفت اللى السائح بيلاقيها من المراكبية وبتوع الخيل.
نيجى لنقطة تانية ومهمة جدآ فى الموضوع دا ..الا وهى أمية الناس المراكبية..!!!؟؟

انا كنت فى مرة واقف هناك على النيل وكنت فى منطقة الفيلل اللى هناك ولقيت مراكبى بيشرح للسائحين ان الفيلا دى بتاعة ليلى علوى واللى جنبيها بتاعة فريد شوقى واللى بعديها بتاعة فاروق الفيشاوى.. تخيلوا مدى النصب والامية... وطبعآ السائح الغلبان بيصدق كل حاجة بيسمعها.
لذلك انا بقترح حاجتين
اولآ:-
انه يبقة فى فى كل مركب قائمة اسعار بالحاجة اللى بتتباع وانه يبقة فى رقم شرطة السياحة مكتوب على لو حة ومكتوب تحتيها (نرجوا الاتصال بهذا الرقم اذا وجهت اى مشكلة) على سبيل المثال

ثانيآ:-
انه يبقة ولو مكتب صغير مسئول عن الارشاد السياحى يعنى اللى عايز يتعلم من الناس المراكبية دول تاريخ القناطر فعلآ ممكن يتعلم هناك
وميفضلش يرغى مع السائح فى اى كلام وكلام غير منطقى بالمرة

بلدنا بتأخر بينا

تخيلوا ان المياه مقطوعة عن منشية صبرى من الساعة 3 العصر بتاريخ25 ديسمبر الى وقت كتابة هذه المقالة اى الساعة 3 بتاريخ 26 ديسمبر ودا كله علشان فى ماسورة مياه مكسورة من اليوم اللى قبليها... ولكم ان تتخيلوا مدى معاناة اكثر من الف وخمسمائة اسرة علشان مفيش حد جه يعملها فى يومها.. كل اللى عملوه انهم قطعوا المياه.. ماهو لو كان الموضوع دا حصل فى منطقة التقسيم السياحى- اللى ساكن فيها الكثير من أصحاب الحظوة واللى كمان ساكن فيها الاستاذ (ع.أ.ع) المسئول عن شبكات المياه فى القناطر- كان العمال مروحوش بيوتهم الا لما يحلوا الموضوع دا

وآدى صورة لمنشية صبرى لمن لا يعرفها