وكما هى العادة.. بتاع الحزب الوطنى هوا اللى يكسب فى الانتخابات المحلية.. بس الغريب ان اللى كسب المرة دى هوا نفس الشخص اللى مسئول عن مياه الشرب فى القناطر.. وهوا نفس الشخص المسئول عن كل عامل فى ادارة المياه .. اللى هما مسئولين برضه عن انه مفيش شارع فى القناطر مفهوش حفرة فى وسط الشارع كان شغال فيها الناس بتوع المياه وعلشان الناس اصحاب الشغلانة مدهومش الشاى بتاعهم يقوموا يسيبوا الحفرة زى ماهية وماشيين ويكش تولع.
الغريبة انى انهاردة كنت سامع العربية بتاعة مجلس المدينة وهية مشية وبيقولوا والنبى ياجدعان اللى مدفعش الفلوس بتاعة المياه يروح يدفعها فى المجلس بسرعة... آحة.. مش لما الناس الاول لما تشرب ميه نضيفة يبقوا يروحوا يدفعوا فلوس المياه.. وبعدين بيتهيالى الاولى ان الناس الكبرة اللى فى المجلس يدفعوا فلوس المياه اللى عليهم .. علشان اللى بيته من إزاز ميحدفش الناس بالطوب.. مش كدة برضه ولا ايه..؟؟
الاشتراك في:
تعليقات الرسالة (Atom)
ليست هناك تعليقات:
إرسال تعليق